 |
| Parlamentu Nasional aprova renovasaun Estadu Emerjensia (EE) ba da-5, ho votus 40 afavor, 0 kontra, 7 abstensaun no 18 aujente. (Photo: Media Parlamento Nacional) |
Dili – Parlamentu Nasional aprova renovasaun Estadu Emerjensia (EE) ba da-5, ho votus 40 afavor, 0 kontra, 7 abstensaun no 18 aujente.
Aprovasaun nee Parlamentu Nasional halo, hafoin iha loron 1 Setembru foin lalais Prezidente Republika Francisco Guterres Lú Olo, rona hanoin sira husi Konsellu Superior Defeza no Seguransa, nunee haruka ba Parlamentu Nasional hodi diskute iha loron 3 Setembru 2020.
Primeiru Ministru Taur Matan Ruak hatete, haree ba evolusaun kazu infesaun COVID-19 alstra ona ba nasaun hamutuk 206 iha mundu, no numeru infetadu ultrapasa ona tokon 25 resin, nunee hamate ema hamutuk rihun 800 resin.
Xefe Governu hatutan, kresimentu moras COVID-19 iha nasaun vizinu sira Indonezia ho Australia kontinua aumenta ba bebeik hodi fo risku ba importasaun moras COVID-19 mai TL.
“Ami hakarak reforsa pedidu neebe Xefe Estadu haruka mai Parlamentu Nasional, hodi husu autorizasaun para bele dekreta Estadu Emerjensia ba dala 5 ,” dehan PM TMR, iha debate renovasaun EE ba dala-5, iha PN, Dili, Kinta (03/09/2020).
Eis Prezidente Republika, atual Primeiru Ministru iha governu da-8 nee afirma tan katak, razaun fundamental neebe konsideira importante tebes, tanba nee obriga governu hatoo pedidu renovasaun Estadu Emerjensia dalimak ba Prezidente Republika.
Entretantu Parlamentu Nasional autoriza ona Prezidente Republika hodi dekreta Estadu Emerjensia ba dalimak ho durasaun loron 30, hahu husi oras 00:00 loron 5 fulan Setembru, termina iha oras 23:59, loron 4 fulan Outubru.*
Aprovasaun nee Parlamentu Nasional halo, hafoin iha loron 1 Setembru foin lalais Prezidente Republika Francisco Guterres Lú Olo, rona hanoin sira husi Konsellu Superior Defeza no Seguransa, nunee haruka ba Parlamentu Nasional hodi diskute iha loron 3 Setembru 2020.
Primeiru Ministru Taur Matan Ruak hatete, haree ba evolusaun kazu infesaun COVID-19 alstra ona ba nasaun hamutuk 206 iha mundu, no numeru infetadu ultrapasa ona tokon 25 resin, nunee hamate ema hamutuk rihun 800 resin.
Xefe Governu hatutan, kresimentu moras COVID-19 iha nasaun vizinu sira Indonezia ho Australia kontinua aumenta ba bebeik hodi fo risku ba importasaun moras COVID-19 mai TL.
“Ami hakarak reforsa pedidu neebe Xefe Estadu haruka mai Parlamentu Nasional, hodi husu autorizasaun para bele dekreta Estadu Emerjensia ba dala 5 ,” dehan PM TMR, iha debate renovasaun EE ba dala-5, iha PN, Dili, Kinta (03/09/2020).
Eis Prezidente Republika, atual Primeiru Ministru iha governu da-8 nee afirma tan katak, razaun fundamental neebe konsideira importante tebes, tanba nee obriga governu hatoo pedidu renovasaun Estadu Emerjensia dalimak ba Prezidente Republika.
Entretantu Parlamentu Nasional autoriza ona Prezidente Republika hodi dekreta Estadu Emerjensia ba dalimak ho durasaun loron 30, hahu husi oras 00:00 loron 5 fulan Setembru, termina iha oras 23:59, loron 4 fulan Outubru.*
